Tengslanet við einkavæðingu í heilbrigðiskerfinu.

Svona fara menn að því að einkavinavæða heilbrigðiskerfið

birtist á prakkarinn.blog.is

"Sýslumaðurinn hefur fallist á kröfu húsfélagsins"

"Sýslumaðurinn í Kópavogi hefur fallist á kröfu húsfélagsins í Lundi 1 um stöðvun frekari framkvæmda við Nýbýlaveg. Styr hefur staðið um framkvæmdir við Nýbýlaveg og nálægð götunnar við íbúðarblokk.

Sýslurmaðurinn hafnaði kröfu húsfélagsins um að loka fyrir umferð til vesturs um hringtorg á gatnamótum Nýbýlavegar og Lundar. Lögbann við framkvæmdum kemur að svo stöddu í veg fyrir færslu vegarins fjær húseigninni. Framkvæmdum við Nýbýlaveg verður að öðru leyti haldið áfram. Þetta kemur fram í tilkynningu frá Kópavogsbæ."

"Kúkur frá Kópavogi fullkomlega siðlaus"

"Eins og kom fram í Fréttablaðinu síðastliðinn laugardag dælir Kópavogsbær skólpi í Skerjafjörð um einu sinni í viku.

Að mati Óttars Hrafnkelssonar, forstöðumanns Ylstrandarinnar í Nauthólsvík og Siglingaklúbbsins Sigluness, sem eru næstu nágrannar við dælustöðina, er fullkomlega siðlaust af bæjaryfirvöldum í Kópavogi að dæla skólpi út með þessum hætti. „Það getur vel verið að það sé gott að búa í Kópavogi en það er ekki gott að vera nágranni þeirra," segir Óttarr og er allt annað en sáttur.

Í  grein Fréttablaðsins kom fram að skólpi væri dælt í Fossvoginn þegar aðrar þróaðri skólphreinsistöðvar yfirfylltust. Óttarr gefur ekki mikið fyrir þessa afsökun og segir þetta svipað og ef hann væri að halda teiti og myndi senda alla gestina sína yfir í garð nágranna sinna til að hafa hægðir vegna þess að klósettið á hans heimili væri upptekið.

Óttarr segir að það sé einfalt fyrir starfsmenn í Nauthólsvík að sjá hvenær Kópavogsbær byrjar að dæla skólpi í sjóinn en þá hópast mávar að frárennslinu. Mælingar á saurgerlum í sjónum í Nauthólsvík eru hins vegar vel undir eðlilegum mörkum. „Við dælum líka tuttugu þúsund lítrum af heitu vatni á hverjum degi í lónið. Ég er ekkert viss um að við fengum svona hagstæðar tölur úr saurgerlamælingunum ef við myndum ekki dæla öllu þessu vatni."

birt á visi.is

Kópavogur sóðar mest.

"Fréttablaðið upplýsir í dag, að Kópavogur mengar sjó á höfuðborgarsvæðinu með skolpi. Önnur sveitarfélög á svæðinu hleypa skólpi í sjóinn aðeins við sérstakar aðstæður. En Kópavogur gerir það reglulega einu sinni í viku. Að venju kannast Gunnar Birgisson einræðisherra í Kópavogi ekki við neitt. Skolp Kópavogs hefur fjölgað saurgerlum í Fossvogi langt yfir heilsumörk. Sigríður Ólafsdóttir umhverfisfræðingur segir mörg sveitarfélög skorta samstarfsvilja. Þau reyni að vinna gegn nýjum skipulagslögum, sem fela í sér hertar reglur gegn sóðaskap. Yfirsóði landsins er bæjarstjóri Kópavogs."

birt á  jonas.is

Stofnfundur „Landnemans“ á sunnudaginn

Nýtt félag um málefni innflytjenda og fjölmenningar í tengslum við Samfylkinguna

Stofnfundur „Landnemans“ á sunnudaginn

„Landneminn“ er vinnuheiti félags sem stofnað verður nú á sunnudaginn, 15. júní,  á Hressó í Austurstræti, Reykjavík.

Fyrir nokkru kviknaði sú hugmynd meðal flokksmanna á höfuðborgarsvæðinu að stofna félag í tengslum við Samfylkinguna sem væri vettvangur fyrir flokksmenn af erlendum uppruna sem og innfædda flokksmenn með áhuga á fjölmenningu, umheiminum og málefnum innflytjenda. Félagið væri þó galopið fyrir óflokksbundna. Nú er þessi hugmynd orðin að veruleika.

Stofnfundurinn á Hressó á sunnudaginn hefst kl. 16, og auk stofnfundarstarfa flytja þar ávörp Ingibjörg Sólrún Gísladóttir utanríkisráðherra og formaður Samfylkingarinnar, Hrannar B. Arnarsson formaður innflytjendaráðs og Bjartur Logi Ye Shen, landnemi og bankamaður. Þegar líður á fundinn verða bornar fram veitingar og Leone Tinganelli syngur og leikur ásamt hljómsveit sinni, Delizie Italiane.

Þá verða „frumsýndir“ á fundinum glæsilegir bæklingar átta tungumálum um stefnu Samfylkingarinnar.

Þriggja manna hópur tók að sér framkvæmdir við stofnfundinn fyrir hönd undirbúningshóps og eru það Bjartur Logi Ye Shen, Kolfinna Baldvinsdóttir og Oddný Sturludóttir.

Mætum öll – látið innflytjendur og aðra áhugamenn um fjölmenningu vita!

HK að ná áttum eftir erfiða byrjun.

Það er ánægjulegt að sjá að HK sé að ná áttum eftir mjög erfiða byrjun í Landsbankadeildinni. Það er óskandi að Kópavogsliðin bæði haldi sig í efstu deild. Kópavogur er 30 þúsund manna bæjarfélag og stendur vel undir því að hafa tvö lið í efstu deild. Gunnar Guðmundsson þjálfari HK inga hefur sýnt það áður að hann er maður mikilla afreka og engin ástæða til þess að halda annað en að HK nái sér á flug og komist upp úr botnbaráttunni. Tveir taplausir leikir í röð er góð byrjun hjá HK.

AS

HK og ÍA gerðu 1:1 jafntefli