Hvatning frá Árna Páli

Ágætu félagar. Nú er komið að lokaspretti kosningabaráttunnar. Við mælumst sterk í könnunum. Samt er ekkert í hendi um að okkur takist að leika lykilhlutverk við ríkisstjórnarmyndun í næstu viku eða tryggja framgang okkar helstu baráttumála. Við verðum að tryggja Samfylkingunni yfirburðastöðu í íslenskum stjórnmálum sem gerir okkur kleift að ákveða hvaða mál eru tekin á dagskrá og hvernig. Við þurfum að koma Lúðvíki í öruggt þingsæti. Við eigum möguleika á því í fyrsta sinn að verða stærsti flokkurinn í þessu kjördæmi. Ef það tekst eru það stórpólitísk tíðindi sem marka vatnaskil í íslenskum stjórnmálum.  Til að okkur takist ætlunarverk okkar þurfum við að ná til kjósenda af miklum krafti á næstu dögum. Við þurfum að útskýra að ef við verðum ekki í lykilstöðu er óvíst um framgang aðildarumsóknar. Við þurfum líka að benda á að engum flokki er betur treystandi fyrir því að farið verði bil beggja – ekki leið taumlausrar skattheimtu og ekki leið óhefts niðurskurðar sem leiðir til fjöldauppsagna opinberra starfsmanna. Við ætlum að gera Jóhönnu Sigurðardóttur að forsætisráðherra.  Til þessara verka vantar okkur kraft ykkar allra. Það þarf að ganga í hús, dreifa bæklingum við verslunarmiðstöðvar, hringja í kjósendur. Þið þurfið líka hvert og eitt að hafa samband við vini og vandamenn og leita eftir stuðningi. Nú eru engir kjósendur öruggir kjósendur annarra flokkar. Nú er allt mögulegt. Okkar er að grípa tækifærið. Ég bið ykkur öll að hafa samband í síma 898 3060 eða [e-mail] og bjóða fram krafta ykkar á næstu dögum. Við þurfum á öllu okkar að halda næstu daga. Þeir koma ekki aftur og við skulum ekki iðrast þess á sunnudag að hafa ekki nýtt krafta okkar til fulls. Bestu kveðjur,Árni Páll Árnason Ps. Minni á styrktarnúmer kjördæmisins 908 7705. Símtalið kostar 1.079 krónur. Margt smátt gerir eitt stórt.

Kjördæmisþing í Suðvesturkjördæmi

Ágætu félagar í Samfylkingunni í Kópavogi


Kjördæmisþing í Suðvesturkjördæmi

Kjördæmisþing Samfylkingarinnar í Suðvesturkjördæmi verður haldið fimmtudaginn 26. mars í húsnæði Samfylkingarinnar í Hafnarfirði að Strandgötu 43. Fundurinn hefst kl 20:30.

Dagskrá.

1. Lögð fram tillaga stjórnar kjördæmisráðs um framboðslista Samfylkingarinnar í komandi alþingiskosningum.
2. Önnur mál.

Stjórn Kjördæmisráðs Samfylkingarinnar í Suðvesturkjördæmi

---

Áhugasömum er bent á félagsfund Samfylkingarfélagsins í Reykjavík með frambjóðendum til varaformanns Samfylkingarinnar, þeim Árna Páli Árnasyni og Degi B.Eggertssyni en kosið verður til embættisins á landsfundinum um komandi helgi. Fundurinn er haldinn miðvikudagskvöldið 25. mars kl. 20:30 að Skólabrú við Austurvöll. Gestir úr Suðvesturkjördæmi eru hjartanlega velkomnir

Fundur með frambjóðendum til varaformanns Samfylkingarinnar

Miðvikudagskvöldið 25. mars verður haldinn fundur með frambjóðendum til varaformanns Samfylkingarinnar, þeim Árna Páli Árnasyni og Degi B. Eggertssyni, en kosið verður til embættisins á landsfundi flokksins um komandi helgi.  Fundurinn fer fram á kosningamiðstöðinni í Skólabrú, við Austurvöll og hefst hann klukkan 20.30.

Samfylkingarfólk í Kraganum er sérstaklega boðið velkomið

Mætum öll og tökum þátt í líflegri stjórnmálaumræðu 

Bæjarmálin á mánudagsfundi

Heil og sæl

Það er ýmislegt framundan í bæjarmálunum hér í Kópavogi. Á næstu dögum verður fjárhagsáætlun endurskoðuð og fátt bendir til annars en að skera þurfi meira niður en þegar hefur verið gert. Grunnskólarnir hafa þegar fengið tilskipun um verulegan viðbótarniðurskurð eða um 6 milljónir á hvern skóla að meðaltali. Það er rösklega ein kennarastaða.

Hvar á að skera niður? Hvað með loforðin um að halda uppi grunnþjónustu? Er hægt að skera niður í yfirstjórn bæjarins eða er staðan þar þannig að ekki er hægt að hrófla við neinu? Hver á forgangsröðunin hjá bæjarfélaginu að vera í rekstrinum?

Við þurfum að leita svara við þessum spurningum og fleirum álíka. Málið verður til umræðu á mánudagsfundi Samfylkingarinnar í Kópavogi 23. mars. Fundurinn verður í Hamraborg 11, 3. hæð og hefst kl. 20:00. Félagar eru hvattir til að mæta og nýir félagar eru velkomnir sem og gestir sem áhuga hafa á málinu.

Kveðja - bæjarfulltrúar

Framboðsfundur í Kópavogi

Góðir Kópavogsbúar

Á mánudagsfundi Samfylkingarinnar í Kópavogi 2. mars munu þátttakendur í prófkjöri Samfylkingarinnar í Suðvesturkjördæmi kynna sig og sjónarmið sín. Þeir flytja stuttar framsögur og síðan gefst fundarmönnum tækifæri til að beina til þeirra spurningum.

Fundurinn er í Hamraborg 11, 3. hæð og hefst kl. 20:30. Félagar eru hvattir til að fjölmenna og nýir félagar eru velkomnir.

Stjórnin